ДАТА ДЭҮС – Илүү ухаалаг, оновчтой шийдвэр гаргахад тань туслах үнэнч хөтөч (Your partner in making better decisions) Өнөөдрийн арга хэмжээ бол зөвхөн номын нээлт биш – онож шийдвэр гаргах эрин үеийн эхлэл. Бид бизнесийн шийдвэр гаргалтыг шинэ шатанд гаргах оновчлолын хүчийг бодит хэрэглээнд нэвтрүүлж, өгөгдөлд суурилсан шийдлүүдийг Монголын зах зээлд нутагшуулж буйгаа та бүхэнд танилцуулахад таатай байна.

Дата Дэүс нь Gurobi Optimization болон AIMMS компанийн Монгол дахь албан ёсны түнш бөгөөд бид оновчлолын математик загварчлал, дэвшилтэт аналитик, шийдвэрийн дэмжлэгийн системүүдийг байгууллагуудад хэрэгжүүлэн, бодит үр дүн гаргаж байна.

Өнөөдрийн арга хэмжээнд та бүхэн оновчлол хэрхэн бодит шийдвэр гаргалтад ашиглагдаж буйг Gurobi платформ дээр Demo хэсгээр үзэх боломжтой.

Оновчлолын эрин үед тавтай морилно уу!

Яагаад зарим компаниуд салбартаа тэргүүлэгч нь болж байхад бусад нь оргилд хүрч чадахгүй байна вэ?

Ихэнх хүмүүс бизнесийн амжилтыг зөвхөн стратеги, удирдлагаас шалтгаална гэж боддог. Гэхдээ үнэн хэрэгтээ, амжилттай компаниудын нууц зэвсэг бол оновчлол юм. Энэ номд оновчлол гэж юу болох, яагаад Google, Amazon, McDonald’s, UPS, Walmart, Marriott зэрэг дэлхийд тэргүүлэгч компаниуд үүнийг ашиглаж, шийдвэр гаргалтаа шинэ түвшинд хүргэж байгааг ойлгомжтой, сонирхолтой байдлаар тайлбарлах болно.

Оновчлол гэж юу вэ, яагаад чухал вэ?

Өнөө үед бизнесийн орчин урьд өмнөхөөсөө илүү хурдтай өөрчлөгдөж байна. Шинэ технологи хөгжиж, зах зээлийн чиг хандлага хувьсан, хэрэглэгчдийн хүсэл, хэрэгцээ өөрчлөгдөхийн хэрээр бид ч бас илүү ухаалаг, илүү хурдан, илүү үр дүнтэй шийдвэр гаргах шаардлагатай болж байна.

Оновчлол гэдэг нь өгөгдөл, алгоритм, шинжилгээнд тулгуурлан хамгийн зөв шийдвэрийг гаргах аргачлал юм. Энэ нь зөвхөн зардал хэмнэх тухай биш, харин бизнесээ илүү үр ашигтай удирдах, өрсөлдөгчдөөсөө түрүүлж алхах хамгийн хүчирхэг арга зам юм.

Өгөгдөл + Оновчлол = Төгс хослол

Өнөөдөр бидний гарт урьд өмнөхөөсөө илүү их өгөгдөл, мэдээлэл байна. Харин энэ их өгөгдлийг хэрхэн зөв ашиглаж, оновчтой шийдвэр гаргах нь бизнесийн амжилтыг тодорхойлох гол хүчин зүйл болж байна.

Дэлхийн тэргүүлэгч компаниуд өгөгдлийг оновчлолтой хослуулж, бүхий л шийдвэрээ шинжлэх ухааны үндэслэлтэй, өгөгдөлд суурилсан байдлаар гаргадаг. Үүний үр дүнд тэд зах зээлийн өөрчлөлтөд илүү хурдан дасан зохицож, өрсөлдөх чадвараа улам нэмэгдүүлж байна.

Шийдвэр гаргалтын хувьсгалтай та хөл нийлүүлэн алхаж чадаж байна уу?

Томоохон байгууллагууд стратеги төлөвлөлт, логистик, нөөцийн менежмент, үнэ тогтоолт, хүний нөөцийн хуваарилалт гэх мэт бүхий л түвшинд оновчлолыг амжилттай ашиглаад эхэлчихсэн. Харин олон байгууллага, ялангуяа жижиг, дунд бизнесүүд энэ хүчирхэг хэрэгслийг төдийлөн ашиглахгүй хэвээр байна. Гэвч үнэн хэрэгтээ оновчлол зөвхөн том компаниудад зориулагдсан зүйл биш юм. Бизнесийн хэмжээнээс үл хамааран, өгөгдөлд суурилсан, үр ашигтай шийдвэр гаргах нь өрсөлдөх чадварыг нэмэгдүүлж, илүү үр дүнтэй ажиллах боломжийг олгодог.

Хэрэв та бизнесээ дараагийн шатанд гаргах, ашиг орлогоо өсгөх, илүү ухаалаг шийдвэр гаргахыг чухалчлан авч үзэж байгаа бол “Оновчлолын эрин” ном таны заавал унших ном юм.